Vitleysa

Hvaða barnaskapur er þetta í stjórnarandstöðunni?  Hvaðan átti stuðningurinn að koma?  Stjórnarandstaðan verður að vanda málflutning all verulega ef eitthvert markvisst aðhald á að vera við þessa mjög svo sterku stjórn.  Að andmæla öllu verður bara ekki eftirtektarvert.

Ef á að spila þetta eins og leik þá verður stjórnarandstaðan að fara að kortleggja hvar einhverja fylgismenn er að fá meðal stjórnarliða og velja andóf þar sem hægt er að fá einhver atkvæði hinum megin girðingar. 

Vildu vísa frumvarpi um breytingar á þingsköpum frá

Ofurkæling

Ég var með samlíkingu í gær á blogginu.  Hagkerfið er ofurkælt.  Er eitthvað til ráða annað en að fella vexti og skera niður í ríkisútgjöldum?  VERULEGA skera niður ríkisútgjöld.  Minnst 30% niðurskurður.

Það myndi skella á holskefla sem myndi fara illa með marga en ég er ekki svo viss um að það myndi ekki gerast samt, bara á annan máta.  Vandinn væri að þá myndi það gerast vegna þess að útflutningsgreinarnar væru í rjúkandi rústum og ekki væri hægt að bregðast við með neinu.

Góðir leiðtogar taka óvinsælar ákvarðanir en halda samt völdum.  Þeir ná að selja hugmyndina um að taka meðalið, án sykurs. 

Óstöðugleiki fremur regla en undantekning

Að flækjast í orðum

Sem sagt, til að þýða fyrirsögnina yfir á íslensku: 

Ekki verður komist hjá því að gera annað það sem hingað til hefur verið gert við ráðgjöf fiskifræðinga.

Freudian slip anyone?

Óhjákvæmilegt að bregðast við tilmælum fiskifræðinga

Er bólan sprungin?

Ég veit ekki hvort ég er meira í sjokki yfir fréttum dagsins eða þeirri staðreynd að fréttin er ekki lengur á forsíðunni.

Í athugasemd á púkablogginu  líkti ég nefnilega efnahagsástandinu á Íslandi við ofurkældan vökva sem þyrfti ekki meira til en smá hristing til að losa um innbyggða hreyfiorku, hita umhverfi sitt og fasabreytast í fast form.

Ég vona að þið séuð búin að fá launahækkunina sem þið voruð að vonast eftir.  Það gæti verið langt að bíða þeirrar næstu. 

Segja aðgerðir Seðlabanka skaða atvinnulíf

Sorgmæddur

Það færist alltaf yfir mig viss sorg þegar ég les um nauðganir.  Ekki er nóg um að einstaklingi hafi verið nauðgað, eflaust er erfitt að taka ákvörðun um að kæra.  Sönnunarbyrði í nauðgunarmálum er á ásakandanum ef marka má tíðni sakfellinga og orðalags sem allt of oft sést í sýknudómum: "gegn staðfastri neitun hins ákærða".

Ég veit ekki hvað það þýðir annað en að dómari hafi trúað sakborningi en ekki fórnarlambinu.

En svo eru líka dæmi um hið andhverfa.  Tíðræddur var sektardómur yfir ungum manni ef ég man rétt frá Húsavík.  Almannarómur var að ekkert væri tækt í kærunni en þetta hafi einhvernvegin  rúllað í sektardóm af sjálfu sér.

Ég vona samt að aukinn fréttaflutningur sé til marks um fleiri ákærur en ekki að ofbeldi sé í raun að aukast.  Nóg var um það fyrir. 

Fjögur kynferðisbrotamál í rannsókn á Akranesi

Fréttir af ráðgjöf Hafró

Er einhver með aðra tillögu að ástæðu gengisfallsins?  Ég veit um lítinn púka sem gleðst yfir þessum fréttum.  Kannski að það sé von fyrir útflutningsgreinarnar eftir allt saman.

Gengi krónunnar lækkar um 1,16%

Það er eins gott fyrir íslenskt hagkerfi

Það er veðjað djúpt á álbræðslur.  Mesti vöxtur í íslensku atvinnulífi hefur með álverin að gera.  Ef eftirspurnin eykst þá er möguleiki á því að álið geti verið hækja meðan við komum atvinnulífinu inn í 20. öldina.

Spá tvöföldun eftirspurnar eftir áli

Upplýsingatækni er óstaðbundin

Hvernig væri að sjá viðbrögð við aflabresti með loforði um frekari uppbyggingu upplýsingatækniiðnaðarins með byggðaþróun í huga?

Með ljósleiðaralögn hringinn í kring um landið er ekki mikið atriði hvar starfsfólk er staðsett svo framarlega sem það munstrar núll og einn rétt.  Bloggfærslan mín verður flutt um vefinn sem núll og einn og síðan verður það verk upplýsingatækninnar að birta það rétt á tölvuskjám á Kópaskeri, á Bíldudal, Kúala Lúmpur og Alþjóðlegu Geimstöðinni.

Hvar vinnan fer fram skiptir engu máli. 

Ingibjörg: „Verðum að sammælast þvert á alla pólitík"

"Stay the course"

Sokkinn kostnaður er vel þekkt fyrirbæri í hagfræði en virðist ekki ætla að vera jafn skiljanlegt stjórnmálaleiðtogum.  Herseta gegn skæruliðum framandi lands hefur nefnilega aldrei tekist vel í mannkynssögunni.  Ég hið minnsta auglýsi eftir dæmi um slíkt.  Var eitthvað af skærum í kjölfar seinni heimstyrjaldar?  Það eru einu tilfellin sem ég get nefnt að hertökulið hafi náð að halda óvinalandi um lengri tíma.  Undantekningin þar er að uppgjöfin var svo alger að ekki var um neina andspyrnuhreyfingu að ræða.  Leiðrétti mig sá er betur veit.

14 bandarískir hermenn féllu í Írak um helgina

Athyglivert prófmál

Ég er þeirrar skoðunar að fólk eigi að mega semja af sér almenn réttindi fyrir einhver fríðindi.  Atvinnufrelsi er mikilvægt en einnig er mikilvægt þegar um er að ræða jafn mikilvæga viðskiptahagsmuni og að byggja upp umræðuþátt að viðkomandi geti ekki hlaupist auðveldlega undan merkjum.  Ég veit ekki til þess að á slíkt hafi reynt fyrir dómi.  Frægt var þegar Sirrý þurfti að taka sér hálfs árs leyfi frá útsendingum eftir að hún flutti sig frá Skjánum yfir á Stöð 2.  Ég fylgist spenntur með.

365 miðlar hóta Agli lögbanni