Gruul lifir enn - um sinn ....

Þetta var eitthvað svo ofurviðsnúið í gær.  Maulgar féll í fyrstu tilraun en síðan var barist langt fram eftir kvöldi við mun auðveldari andstæðing án árangurs.

Margir voru í vandræðum með internetið hjá sér, svo sem við því að búast í 25 manna hópi.  Sumir voru líka ekki með hlutverkið sitt á tæru og gerðu bommertur.  Ég var á lífi alltaf þegar kallað var eftir endurræsingu þannig að ég stóð MÍNA pligt .....

Þýðingar

Ég leyfi mér hreint út sagt efast um að bandaríkjamaðurinn hafi sagt "I didn't know which way the wind was blowing"?

Er ekki einhver skylda að hafa þýðingar beinna tilvitnanna eins nálægt orðum viðkomandi en ekki svona  umsnúningur?  Nú kann ég að hafa rangt fyrir mér.  Ef til vill hafði hann eitthvað slíkt orðfæri.

Yfirmaður NASA ekki viss um að bregðast þurfi við loftslagsbreytingum

Hið besta mál

Fólk sem brýtur jafn bindandi samning og gistibókun er eins seint og í þessu tilfelli var gert á ekki að geta gert það refsilaust.

Fallast á sáttagreiðslu vegna afboðunar klámráðstefnu

Ætlaði - Ætluðu - óboj

Meinti glæpamaðurinn, meinti verknaðurinn, ætlaða vatnið, ég ætla að vona það að hægt verði að spyrna við þessari þróun á íslensku réttarfari.  Síðan Briggs slapp á tækniatriði hef ég dregið sýknudóma oftar í efa.  Þar liggur hundurinn grafinn.  Ég heyrði af bandarískum lögfræðingi í heimsókn hjá íslenskum lögspekingi.  Sá íslenski útskýrði hvernig réttarfarið væri á Íslandi (rúm 10 ár síðan) og sagði svo: "Interesting.  So the judge, the prosecutioner and the defence sit down and actually try to discover the TRUTH?  That would never happen in the adversarial system."

Höfnum súfismanum.  Tölum hreint út.  Maðurinn var með fíkniefni.

Svo er allt annað mál hvort fíkniefnin sem hann hafði undir höndum ættu að vera refsiverð.  Þar aðhyllist ég þá skoðun að Bannárin hafi reynt að segja okkur eitthvað. 

Grunaður fíkniefnasali handtekinn

Átök kvöldsins

Ég bið fyrirfram afsökunar á að nota íslensk heiti yfir leikjahugtök. Þetta kemur til með að hljóma kjánalega á hvorn vegin sem er til að byrja með.

Átök kvöldsins er Gruul the Dragonkiller. Epic náði að fella hann í síðustu viku og á að endurtaka leikinn í kvöld. Reyndar er Gruul ekki svo skelfilega erfiður, það er High King Maulgar sem hefur staðið í fólki. Ég er Tank á Krosh Firehand, í þeirri einkennilegu aðstöðu að þurfa að grípa og halda óvini í stað venjubundins verkefnis að lauma inn skotum án þess að vekja sérstaka eftirtekt óvinarins. Aðalástæður þessa umsnúna hlutverks er að Krosh skýtur óvenjulega öflugum eldkúlum og ekki hægt að verjast með öðru en að stela skildi hans þegar hann reisir hann í miðjum bardaganum. Eina tegund spilara sem getur þetta yfirleitt er Mage. Það er svolítið sérstætt að hafa einn lækni og annan til vara, venjulega má mage þakka fyrir að þurfa ekki að nota sárabindi og flöskur til lækninga.

Bjóst satt best að segja við öðru

Ég bjóst við því að kjósendur Samfylkingar myndu ekki kunna forystunni þökk fyrir að leyfa Sjálfstæðisflokknum að halda völdum.  Kannski eru Samfylkingarkjósendur á bleiku skýi þessa dagana, haldandi það að Samfylkingin sé í leiðandi hlutverki.  Eins og ég bloggaði um Össur þá virðist vera sem Samfylkingarskútan væri hægrisinnaðri en við fyrstu sýn virtist þá verður athyglivert að fylgjast með þessari þróun.  Það er bara allt annað hljóð í leiðtogunum heldur en í stjórnarandstöðu.  Meira að segja ISG-óþolið í mér hvarf.  Það er eins og kvart-og-kvabb tóninn hafi bara horfið með öllu úr henni og þá er hún bara merkilega þolanleg.  Af stjórnarandstöðuleiðtogunum þá kemur Guðjón Arnar best út. Hann er ekkert að væla yfir þessu.  Það er hins vegar alvarlegur holur tónn í greyinu honum Guðna.  Það er ekki eins og hann hafi að vera að starfa með helmingnum af ríkisstjórninni í sátt og samlyndi fyrir viku síðan.  Nei, nú er allt handónýtt sem ríkisstjórnin gerir.  Hvenær fer þetta fólk að átta sig á því að sumir okkar sjá í gegn um Súfismann?  Hvenær fáum við að sjá stjórnarandstöðuleiðtoga sem þora að vera SAMMÁLA ríkisstjórn af og til?

Ég held nefnilega að Al Gore hafi rétt fyrir sér.  Skoðanir og framkvæmdir stjórnmálamanna skipta engu máli.  Það er mikilvægast í stjórnmálum að halda völdum og þú heldur völdum með því að sannfæra meirihlutann um að þú sért með gott mojo.  Þetta með meirihlutann.  Þekkir þú meðalgreint fólk?  Mundu það að hinn helmingurinn er samkvæmt skilgreiningu heimskari en það.  Við erum í vondum málum.

Ríkisstjórnarflokkar bæta við sig fylgi

Hér er bara einn hlekkur við hæfi

Lýsing á Bush

Umhverfisverndarsamtök segja hugmyndir Bush hlálegar

Stefnt til BNA

Málefni fjármála flokkanna virðist ætla að stefna í ameríska farveginn.  Þar á bæ snýst allt um það að afla fjármagns til auglýsinga þannig að hægt sé að selja almenningi hugmyndir stjórnmálaskoðana frambjóðandans. Ég las alveg skelfilegan útdrátt úr bók Al Gore, The Assault on Reason, skelfilegan að því leytinu að þar endurspeglaðist að Súfisminn er að sigra í heiminum í dag. Fólk hugsar ekki og lætur sjónvarpið um að fóðra sig á hvað það eigi að borða, klæðast, gera, hugsa. Ég býst við því að MMORP spilarar séu líflegri heldur en aðrir í nútímaþjóðfélagi. Þeir eru hið minnsta að taka virkan þátt í skemmtun sinni. Flestir aðrir eru að láta imbann fóðra sig 4 tíma á dag.

Hverjir auglýstu mest?

Það var mikið!

Að engu tilliti teknu til afstöðu manna til hvalaveiða eða náttúruverndar þá er ekki hægt að villast um Súfistaaðferðir hinna fáu gegn hvalveiðiþjóðunum.

 

Afríkuríkið Gabon er eflaust mikið í mun að tryggja framtíð hvalastofnsins. Þeir eru hið minnsta strandríki sem gæti mögulega hugsanlega haft einhverra hagsmun að gæta. Reyndar er olía undan ströndum Gabon helsta tekjulind þeirra og ástæða þess að meðaltekjur eru fjórum sinnum hærri en nágrannaríkjanna.

Það eru hins vegar fáar ástæður til að verja setu Marshall Eyja í ráðinu. Þar búa færri en 70.000 manns sem lifa aðallega á ræktun kókoshneta, tómata og melóna og já, leigu á landi undir herstöð.

Nauru er önnur eyja í Micronesiu (er það íslenskað einhvernvegin?), þar búa um 13.000 manns. Þeir lifa aðallega á styrkjum frá vesturveldum. Frægastir eru þeir fyrir að geyma fólk sem Ástralir vilja ekki hýsa þar til Ástralska Innflytjendastofnunin hefur tekið ákvörðun um á hvaða forsendum vísa skuli viðkomandi úr landi.

Þessar þjóðir fengu inngöngu í alþjóðlegt samstarf um nýtingu hvalastofna.

Getur einhver sagt mér hvað þær eru að gera þarna?

Japanar hóta að stofna ný hvalveiðisamtök

Er Össur hægri maður í raun?

Það skaut mér nánast skelk í bringu að lesa um að hann vildi í raun ekki niðurgreidda lánastarfsemi í samkeppni við opinn lánamarkað. Örskotsstund þá hélt ég að ég væri staddur í Ljósaskiptunum.

Var ekki hugmyndin  á bak við þessa ríkisstjórn að Samfylkingin myndi vera mótvægi við markaðshugsjón D listans?

Rock on Össur!

Ætla að skilgreina störf sem hægt er að vinna hvar sem er