Upplýsingatækni er óstaðbundin

Hvernig væri að sjá viðbrögð við aflabresti með loforði um frekari uppbyggingu upplýsingatækniiðnaðarins með byggðaþróun í huga?

Með ljósleiðaralögn hringinn í kring um landið er ekki mikið atriði hvar starfsfólk er staðsett svo framarlega sem það munstrar núll og einn rétt.  Bloggfærslan mín verður flutt um vefinn sem núll og einn og síðan verður það verk upplýsingatækninnar að birta það rétt á tölvuskjám á Kópaskeri, á Bíldudal, Kúala Lúmpur og Alþjóðlegu Geimstöðinni.

Hvar vinnan fer fram skiptir engu máli. 

Ingibjörg: „Verðum að sammælast þvert á alla pólitík"

Athugasemdir

[Dofri Hermannsson, 4.6.2007 kl. 08:38]

Góður punktur. Eins er mikilvægt að hrinda í framkvæmd "störf án staðsetningar" tillögunni sem Samfylkingin fékk samþykkta í vor og gengur út á að skilgreina þau störf hjá ríkinu sem má vinna óháð staðsetningu og bjóða þau öllum landsmönnum jafnt.

[Árni Steingrímur Sigurðsson, 4.6.2007 kl. 08:46]

Þetta þarf að vera víðtækara en svo að færa til einhver opinber störf.  Það þarf að gera landsbyggðina vænlegan valkost fyrir einkafyrirtæki, annars er ekkert gagn að þessu.

[Púkinn, 4.6.2007 kl. 09:08]

Vandamálið er bara það að fyrir upplýsingatæknifyrirtæki (a.m.k. þau sem byggja á útflutningi) er Ísland ekki góður kostur, enda eru þau ýmist að hrekjast úr landi, eða færa stærri og stærri hluta starfsemi sinnar héðan.

Hér kemur margt til, skortur á fólki og ofurkrónan þó einna helst.  Púkinn er ekki bjartsýnn á framtíðina hvað þetta varðar.

[Árni Steingrímur Sigurðsson, 4.6.2007 kl. 10:01]

Ekki galdrakallinn heldur.  Það á samt ekki að halda okkur frá því að ræða málin og gera það sem við getum til að sveigja umræðuna á rétta braut.