Sofandi fréttamenn á MBL?

Ég er orðinn hundþreyttur á umfjöllun MBL af forkosningum vestra.  Það vottar ekki fyrir sjálfstæðri fréttaöflun og í raun hægt að spá fyrir um fréttir MBL svona degi fyrir birtingu.  Sá sem gekk frá þessari frétt hefur ekki græna glóru um heildarstöðuna og eltir 'fréttaskýrendur' eins og þeir hafi heilaga sannleikann.  Voru það kannski Bill Kristol og Ann Coulter sem 'skýrðu' gang mála?

Íslenska pressan hefur verið rólyndari í gegn um tíðina en nú tekur maður eftir fréttaflutningi bæði innanlands frá og erlendis sem ekki hefur verið vart við áður, nauðsyn þess að innramma fréttir til að þjóna einhverjum tilgangi. 

Gott dæmi um þetta er ráðning JFM sem embættismanns.  Gagnrýniverð í sjálfu sér en það kemur í ljós að upprunaleg innrömmun var til þess fallin að varpa rýrð á störf hans og ekki alveg sannleikanum samkvæm.  Upprunalegur fréttaflutningur er í upphrópanastíl og dregur fram það að verið sé að hygla innanbúðamönnum.  Reynt hafði verið að ráða aðra án árangurs.  Við aðra tilraun fellst hann á að sinna starfinu.  Hann fær væntanlega engan frið til þess úr þessu.

Það er ekki pressunni að kenna en borgarstjóri hefði mátt hugsa um sína pólitíska stöðu og verður að fara vandlega með allar ákvarðanir.  Ég leiddi hugann að núverandi ríkisstjórn og þingmönnum hennar.  Það virðist algengara að þingmenn séu reiðubúnir til að gagnrýna meirihlutann sem þeir starfa fyrir og ég tel að svona ríflegur meirihluti sé miklu heilbrigðari heldur en naumur.  Það rúmast nefnilega fleiri skoðanir meðal fleiri hausa og traustur meirihluti gefur tækifæri til sjálfsgagnrýni heldur en þegar hann er það tæpur að falli 1-3 frá skoðunum þá sé tvísýnt að mál hljóti afgreiðslu. 

Obama sofnaður á verðinum?

Ekki gera Ekki neitt

Ekkert af þessum aðgerðum, góðra gjalda sem þær eru verðar, eru til þess fallnar að breyta efnahagsástandinu.  Það eina sem verið er að gera þarna er að reyna að ýta hagnaði smásölunnar niður.  Svolítið eins og að fylgjast með veðurspánni þegar brotnar hjá manni gluggi.  Kannski vindurinn feyki ekki öllu um koll ef maður veit að hann er að koma ......

4 milljónir í aðgerðir vegna verðbólgunnar

Önnur veiðimannaklisja:

"Don't hurt what you can't kill."

„Gildra fyrir birni verður að koma á óvart"

Oh yeah? Well, watch this.

Forskot Obama að hverfa

Sammála!

Núna er tíminn fyrir eignafólk sem er með lausafé í útlöndum að flytja féð inn í landið meðan krónan er á spottprís og framkvæma!

Nema:  Hver er með lausafé í útlöndum?  Eru ekki flestir með peningana sína fasta í einhverjum fjárfestingum sem erfitt er að losa á hagkvæmu verði núna? 

Áhyggjuefni að sumir vilji ekki nýta auðlindir

Átti Bear Stearns sum sé jöklabréf?

Ég er ekkert endilega ósammála aðgerðaleysinu en þessi innrömmun er frekar langsótt, nema, eins og fyrirsögnin segir, að JP Morgan vilji losa um Jöklabréf sem BS hafi átt.  Þessi titringur á fjármálamörkuðum er orsökuð af vel þekktri efnahagslegri staðreynd.  Peningar í dag eru ekki innistæður heldur skuldir.  Flestir eru að fjármagna framkvæmdir með lánsfé og bankarnir mega skrifa út fé svo framarlega sem þeir séu tryggðir með einhverjum föstum eignum, eins og veði skuldara eða innistæðu fjármagnseigenda, að ákveðnum hluta af útlánum.  Peningar verða sum sé til í nútíma þjóðfélagi þegar einhver fer í banka og tekur lán.  Verðmætin felast í því að viðkomandi gefur loforð um að endurgreiða lánið.  Ef lánastofnanir lána hverjum sem er fyrir hverju sem er, þá endar með því að gefin er út verðlaus pappír, það er, skuldari nær ekki að standa við loforðið um endurgreiðslu.  Ef bankar halda á of miklum verðlausum pappír, þá hrynur kerfið þar sem skuld sem skuldari stofnar til er orðin að tryggingu bankans fyrir næsta útláni.  Það setur af stað keðjuverkandi áhrif ef að fall nægjanlega margra skuldara leiðir til að bankinn þarf að losa um einhverjar hagkvæmar eignir til að standast kröfur um skuldatryggingar og ekki er það skárra að í árferði eins og er núna þá er verð eignanna lágt.

Engar aðgerðir fyrirhugaðar vegna gengisfalls krónu

Hvenær?

Skv. Karl Popper þá verður vísindagrein að koma með djarfar tilgátur til að teljast vísindi.  Djarfar tilgátur eru þær sem gætu verið rangar.  Það vantar meiri vísindi í Seðlabankann þar sem þeir eru bara með eina tilgátu:  Háir stýrivextir eru góðir fyrir Ísland.  Hún virðist ekki geta verið röng, þar með er hún ekki djörf.  Hér virðist þurfa nýjar hugmyndir.

Óraunhæft að vextir lækki í apríl

Eruð þið ekki að GRÍNAST í mér? AFTUR?

...................

Viðgerð á ljósleiðara lokið

Kristnir gegn Kynsjúkdómavörnum

Ef ég man rétt þá er um að ræða Human Papilloma virus, smitast eingöngu með kynmökum, en hægt að bólusetja fyrir honum.  Heilagleikafólkið þarna vestur frá má ekki heyra á það minnst að bólusetja fyrir þessu þar sem í þeirra huga er að merki til ungdómsins að fara að makast alveg á fullu.

Jáhm.  Einmitt. 

Kynsjúkdómar útbreiddir meðal táningsstúlkna í Bandaríkjunum

Sigurður Einarsson, þingmeirihluti þjóðarinnar?

Ég held að hann ætti bara að reka sinn banka.  Í öðru landi ef honum svo sýnist.

 Meðan hann er á Íslandi með sinn banka, þá gilda þar ákveðnar reglur.  Lög um hinn íslenska gjaldmiðil eru nefnilega sett af Alþingi, ekki bankastjóra KB Banka.

Áttar hann sig ekki á því að hann stæði frammi fyrir annarri mynd af sama vandamáli ef hann væri í öðru myntkerfi? 

Nýr gjaldmiðill innan 3 ára?